WELKOM BY
Uitspan Retreat!
Uitspan Kampterrein is geleë in die pragtige Tulbaghkom.
Reg rondom ons sien jy die berge. Dis ‘n groen waterryke area met baie bome. Uitspan beslaan sowat 5 hektaar en hier kan mens rustig kom raak. Jy is weg van die stadsgewoel met al die baie geluide. Die terugvoer wat ons gereeld kry is dat die natuur en die stilte mense help om weer perspektief op die lewe te kry.
Visie
Ek en my vrou – Marcel en Riana Vosloo – het in 2022 hierdie bekende kampterrein by die VCSV gekoop. As volgelinge van Christus, is dit ons strewe dat die atmosfeer en die lewenswyse op die kampgronde tot Sy eer sal wees.
ONS PASSIE IS DAT UITSPAN:
‘n Ruimte sal wees waar elkeen wat hier was, geestelik en fisies verfris en vernuwe hiervandaan sal vertrek.
Groepe
Die kampterrein is goed ingerig vir groepe. Kerke, skole, leierskapsgroepe, NGO’s, kultuurorganisasies ens. Daar is 10 slaapkamers wat 104 persone kan huisves. Hoogseisoen is van middel Augustus tot Mei. Veral somertye, langnaweke en spesiale dae is baie gewild. Om ‘n kampdatum vas te maak moet daar met die bespreking ook ‘n deposito betaal word.
Geriewe
Ruim Saal
Daar is ‘n groot saal met 120 stoele en genoeg tafels.
Kombuis en Opwas
Toegerus met ‘n yskas, vrieskas, elektriese stoof met oond, mikrogolfoond en 5 gasbranders. Daar is ook ‘n spens met al die nodige toerusting om kos voor te berei. Kampgangers moet net hul eie eetgerei saambring.
Akkommodasie
10 slaapsale met stapelbeddens. Akkommodeer 104 gaste.
Cottage
Die ‘Fonteinhuisie’ kan apart bespreek word indien nodig. Akkommodeer 4 gaste.
Ablusiegeriewe
Die ablusiegeriewe bestaan uit 12 storte en 11 toilette en 16 wasbakke.
Die Lapa
Die ruim lapa is ‘n heerlike kuierplek en ook ‘n geskikte ruimte vir samesang, eredienste en lesings.
Swembad
Die swembad is 13 meter in deursnee en ‘n groot aantrekkingskrag.
Vlugbalbaan
Daar is ‘n vlugbalbaan in die skaduwees van die populierbome.
Fonteinhuisie (Cottage)
NOU beskikbaar!
Op 2,3 hektaar grond – net oorkant Uitspan – is daar ‘n ‘cottage’, Fonteinhuisie, wat beskikbaar is vir verhuring. Daar kan 1 tot 4 persone kom afsaal en die pragtige uitsig en omgewing kom geniet. Fonteinhuisie is selfvoorsienend van krag en alle geriewe is beskikbaar. Daar kan 1 tot 4 persone kom afsaal en die pragtige uitsig en omgewing kom geniet. Kontak ons gerus vir meer besonderhede by info@uitspanretreat.co.za.
